Natnael Mekonnen

ኤርትራ ከኢጋድ ለመውጣት የወሰነችው 'ምንም ውይይት ወይም የለውጥ ሀሳብ ሳታቀርብ ነው' ሲል ኢጋድ ወቀሰ የልማት በይነ መንግስታት ባለስልጣን (ኢጋድ) ፤ የኤርትራ መንግሥት ከድርጅቱ የመውጣት ውሳኔ ያሳለፈው “ተጨባጭ ሃሳቦች ወይም በአይነተኛ ተቋማዊ ወይም የፖሊሲ ማሻሻያዎች ዙሪያ ተሳትፎ” ሳያቀርብ መሆኑን በማንሳት ቅሬታውን ገለጸ። ኢጋድ ይህንን ውሳኔ በይፋዊ የቃል ማስታወሻ መግባቱን አረጋግጧል። ሆኖም ግን፣ ሴክሬታሪያቱ ለድርጅቱ የተላከው ማስታወሻ ከማንኛውም ቀደም ያለ ውይይት ውጪ መሆኑን ጠቁሟል። ‘ያለፉት ሁለት ዓመታት’ የትብብር እጥረት ኢጋድ እንዳስታወሰው፣ ኤርትራ ለሁለት አሥርት ዓመታት ያህል በራሷ ፍላጎት አባልነቷን ካገደች በኋላ፣ እ.ኤ.አ. ሰኔ 2023 በተካሄደው 14ኛው የልዩ መሪዎች ጉባኤ ላይ በሁሉም አባል አገሮች በሞቃት አቀባበል ወደ ድርጅቱ ተመልሳ ነበር። በዚያን ወቅት፣ መመለሷ “ሁሉን አቀፍነት፣ የክልላዊ ወንድማማችነት እና የታደሰ ትብብር የጋራ ቁርጠኝነት” ማሳያ እንደነበር ድርጅቱ አስታውሷል። ነገር ግን፣ ኢጋድ ከሰኔ 2023 ጀምሮ ኤርትራ በኢጋድ ስብሰባዎች፣ ፕሮግራሞች ወይም እንቅስቃሴዎች ላይ አለመሳተፏን በጸጸት ገልጿል። ሴክሬታሪያቱ በዚህ ጊዜ ሁሉ “ትዕግሥትና በጎ ፈቃድ” ሲያሳይ እንደቆየ እና ለገንቢ ተሳትፎ ክፍት እንደነበር አሳውቋል። ይህ የተባለዉ የኤርትራ በይፋ ከኢጋድ አባልነት መዉጣቷን ማሳወቋን ተከትሎ ነዉ ። የሀገሪቱ የውጭ ጉዳይ ሚኒስቴር ባወጣዉ መግለጫ ፤ ውሳኔው የመጣው ኢጋድ በኤርትራ በኩል የቀረቡትን የለውጥ ጥሪዎች ችላ በማለቱ እና “በሕግ የተሰጠውን ግዴታዎች በመጣሱ” እንደሆነ አመልክቷል። ኤርትራ በተለይም እኤአ ከ2005 ዓ.ም. ወዲህ ኢጋድ የክልሉን ሕዝቦች ምኞት ማሟላት ሳይችል ቀርቷል ከሚል እምነት ላይ ተነስታለች፤ በምትኩም “ዒላማ በተደረጉ አባል አገሮች ላይ በተለይም ኤርትራ ላይ የሚሠራ መሣሪያ በመሆን ጎጂ ሚና ተጫውቷል” በማለት ወቅሳለች። ኤርትራ ድርጅቱ “ምንም የሚታይ ስትራቴጂካዊ ጥቅም” እንደማይሰጥ እና “ሕጋዊ ሥልጣኑን እና ኃላፊነቱን ያጣ” ነው ስትል አባልነቷን ሰርዛለች። ምንም እንኳን ውጥረቱ ቢኖርም፣ የኢጋድ ሴክሬታሪያት ውሳኔውን የወሰደው “ምንም ዓይነት ውይይት ወይም የለውጥ ሀሳብ ሳያቀርብ ነው” በማለት ቢወቅስም፣ “ግንኙነቱን እንደሚቀጥል” አስታውቋል። ኢጋድ የኤርትራ መንግሥት “ዉሳኔዉን እንደገና እንዲመለከት እና ለሰላም፣ መረጋጋት እና የክልሉን ልማት የሚረዱ የጋራ ግቦችን ለማራመድ ሙሉ በሙሉ በበጎ ፈቃድ ወደ ድርጅቱ እንዲመለስ” ጥሪ አቅርቧል።

እያመመው መጣ ‼️ የአሜሪካ መንግስት የኢትዮጵያ TPS ማብቃቱን Department of Homeland Security ዛሬ ገለጸ። የአሜሪካ መንግስት ለኢትዮጵያውያን የሰጠውን ጊዚያዊ ከለላ Temporary Protected Status ማንሳቱን ዛሬ አስታወቀ የአሜሪካ የሃገር ውስጥ ደህንንት መስሪያ ቤት ዛሬ ባወጣው መግለጫ ኢትዮጵያ ውስጥ ያሉ ሁኔታዎች ስለተሻሻሉ እና አሜሪካ የሚኖሩ የሃገሪቱ ዜጎች ቢመለሱ የከፋ የደህንነት ስጋት እንደማይገጥማቸው በመገምገም ጊዚያዊ ከለላቸውን ማንሳቱን ገልጿል። በዚህ ፕሮግራም ተጠቃሚ የነበሩ ኢትዮጵያውያን በሁለት ወር ውስጥ እራሳቸውን ዲፖርት እንዲያደርጉ ተጠይቀዋል። ይህን ካደረጉ የአሜሪካ መንግስት የ አውሮፕላን ትኬት እና አንድ ሺ ዶላር ቦነስ እንደሚሰጥ አስታውቋል።

EBS አመድ አፋሹ ድርጅት! ኢትዮጵያ ውስጥ ካሉ የቴሌቭዥን ጣቢያዎች እንደ EBS የሚገርመኝ ድርጅት የለም። እጁ አመድ አፋሽ ይመስለኛል። በተለያየ ግዜ ከሰራተኞች መልቀቅ ጋር ተያይዞ ሶሻል ሚዲያ ላይ የሚነሳበት ውዝግብ አስገራሚ ነው። የዚህ መነሻ ብዙ ነው። ዋነኛው ግን ከድርጅቱ የሚለቁ ሰራተኞች የሚፈጥሩት አላስፈላጊ ድራማ ይመስለኛል። EBS ኢትዮጵያ ውስጥ ለባለሙያዎች ጥሩ ክፍያና ጥቅማ ጥቅም የሚያስብ ድርጅት እንደሆነ ይታወቃል። የሰዎችን አቅም ብቻ እየተመለከተ ወደቴሌቭዥን ጣቢያው በማምጣት ማን መሆናቸውን እንኳን የማናውቃቸውን ሰዎች ትልቅ Celebrityና ሚሊየነሮች አድርጎ ያገዝፋቸዋል። EBS በተለይም መዝናኛ ፕሮግራሙ ላይ አቅራቢ ሆኖ ያልፈመሰ፣ ዝናና ሃብት ያልሰበሰበ አንድም ሰው የለም። ከቴሌቭዥን ጣቢያው ተደራሽነትና ቅቡልነት አንፃር አንተ ከየትም ቦታ መጣህ ከየት ችሎታ ካለህ ኢቢኤስን የረገጥክ ቀን ዝናህ ከፍ ይላል። በኢትዮጵያውያን አይን ውስጥ ትገባለህ። ከደሞዝና ድርጅቱ ከሚሰጥህ ብዙ ጥቅማጥቅም በተጨማሪ የተለያዩ የማስታወቂያ እድሎች ታገኛለህ። ለትልልቅ ድርጅቶች brand ambassador የመሆን በረከት ይመጣልሃል። ባጭሩ ሚሊየነር ትሆናለህ። ኢቢኤስ በገባህበት መንገድ አትወጣም የሚባለው ለዚህ ነው። እንደውም ነፃነት ወርቅነህ “ዝነኛና ሃብታም ትሆናላችሁ” ያለው ለኢቢኤስ መዝናኛ ክፍል አቅራቢዎች ሳይሆን አይቀርም 😂 እዚህ ጋር ነው ችግሩ። በግሌ እንደታዘብኩት የጣቢያው ሰራተኞች በተለይ ደግሞ የመዝናኛ ክፍል አቅራቢዎች የተወሰነ ግዜ ሰርተውና ታውቀው ስማቸው ከፍ ሲል ቴሌቭዥን ጣቢያው በነሱ ጫንቃ ላይ እንደቆመ ማሰብ ይጀምራሉ። አምኖና አቅማቸውን በነፃነት እንዲያወጡ እድል ሰጥቶ እዚህ ካደረሳቸው ድርጅት ጋር ተከባብረው መቀጠል ሲችሉ ወደውጪ ማማተር ይጀምራሉ። ሰራተኛ መሆናቸውን ዘንግተው ከድርጅቱ አመራሮች ጋር ጫማ ይለካካሉ። ጥቅማቸውን በገንዘብ ብቻ ስለሚያሰሉ ከትልቅ የቴሌቭዥን ጣቢያ አቅራቢነት ተራ ዩቱዩበር መሆን ይናፍቃቸዋል። ያም ባልከፋ ድርጅቱን አመስግነው መልቀቅ ሲገባቸው የተለያዩ ድራማዎች ሰርተው Victim Victim በመጫወት አቧራ ማስነሳት ይፈልጋሉ። (አንዳንዶቹማ “ማህተብ አትሰሪ ተባልኩ” ሁሉ ብለው አላቅሰውን ነበር። ስናያቸው ከኢቢኤስም ከወጡ በኋላ ማህተብ አያስሩም 😀) ይሄ typical የሀበሻ ባህሪ ነው። የበላህበትን መሶብ ደፍተህ ስትወጣ ጉዞህም አይሳካም። ለዚያም ይመስለኛል ብዙዎቹ ከዚያ ከለቀቁ በኋላ ከህዝብ አእምሮ ውስጥ በፍጥነት ተረስተው የቀሩት። ይሄንን የፃፍኩት ዛሬም “ዘወትር” የተባለው ልጅ ከEBS ለቀቀ ብለው እንደተለመደው አላስፈላጊ ድራማዎች እዚሁ ሶሻል ሚዲያ ላይ ሲሰሩ ስላየሁ ነው። ዘወትር የተባለው ልጅ ባልሳሳት ኢቢኤስ ላይ ከመቀጠሩ በፊት ETV ዜና አንባቢ ነበር። እዛ እያለ ማንም አያውቀውም። ኢቢኤሶች ወደድርጅታቸው አመጡት። ልጁም ጎበዝ ስለሆነ በአጭር ግዜ ሰው አይን ውስጥ ገባ። እንደተለመደው ዝና አገኘ። ገንዘብ አገኘ። በጊዜ ሂደት የተሻለ የመሰለውን እድሎች ያገኘ መሰለው። ከጥቂት ግዜ በፊት ድርጅቱን አመስግኖ የስራ መልቀቂያ አስገባ። ድርጅቱ አወያይቶትና አግባብቶት የስራ ጫናውን ቀንሶለት እንዲቀጥል አግባባው። ስራውን ቀጠለ። በድጋሜ አሁን የስራ መልቀቂያ አስገባ። ድርጅቱ በክብር አሰናበተው። ይህ ሲሆን EBS ይህንን ሰው ከህዝብ ጋር ድልድይ ሆኖ ስላገናኘው ቢቻል አመስግኖና እንደሐገራችን ባህል የተመገበበትን ትሪ ስሞ ቢሰናበት ጥሩ ነበር። ያ አልሆነም። ምክኒያቱም ድርጅቱ EBS ነው። አመድ አፋሹ ድርጅት። ሰዎችን በ 0 አመት የስራ ልምድ አምጥቶ፣ አስተምሮ፣ ኮትኩቶ በማሳደግ ታላቅ የሚያደርግ፣ ሚሊየነርነትን የሚያጎናፅፍ ግን የማይመሰገን ትልቅ ተቋም። ለሰራተኞቹ ብዙ እድሎችን ያመቻቸ፣ የማስታወቂያ እድሎችንና የውጪ ሐገር ጉብኝቶችን ሳይቀር የሚያደላድል ድንቅ ተቋም! ግን የማይመሰገን አመድ አፋሽ ድርጅት!

ልዩ መረጃ መቀሌ ‼️ በመቐለ ከተማ በአሁን ሰዓት የአደመ (ደብረጺዮን ቡድን) ታጣቂዎች የኢትዮጵያ ንግድ ባንክ መቐለ ዋና ቅርንጫፍ በ12 መኪኖች ከበው ብር እያጫኑ ነው::

የታጠቁ አካላት የሰላም መንገድን እንዲመርጡ ስሞኑን የሰላም ምርጫን ተከትለው ከነትጥቃቸው ለመንግስት እጃቸውን የሰጡት የአማራ ፋኖ ሕዝባዊ ድርጅት ከፍተኛ አመራሮች ጥሪ አቀረቡ። ሰላም ለኢትዮጵያ ሰላም ለአማራ ህዝብና ክልል

ቋንቋ ያልገደበው ፍቅር ማህበራዊ ሚዲያን ለመጥፎ ነገር የሚጠቀሙ ብዙዎች እንዳሉ ሁሉ ፕላትፎርሙን ለበጎ አላማ፣ ለፍቅር፣ ለአንድነትና ለእድገት የሚጠቀሙም ብዙ አሉ። ከነዚህ ውስጥ መምህር ሲሳይና መምህርት ሰላም አንዱ ናቸው። እነዚህ ጥንዶች ማህበራዊ ሚዲያን ቋንቋና ዘመን አመጣሹ ብሔርተኝነት ያልገደበው ፍቅራቸውን ለማሳየት ይጠቀሙበታል። እሷ ከመሃል ጎጃም እሱ ከሰላሌ (ካልተሳሳትኩ) የተገኙ የኢትዮጵያ ልጆች ናቸው። ህይወት አንድ ቦታ ስታገናኛቸው ለመፋቀር የቋንቋ ልዩነትና የኑሮ ደረጃ አልገደባቸውም። ፍቅር ቋንቋና ብሔር የለውማ። ኢትዮጵያውያን በተለይም አማራና ኦሮሞ ለመነጣጠል እስኪቸግር ድረስ የተጋቡ፣ የተጋመዱ፣ በሚሊየኖች ተቀላቅለው የልጅ ልጆች ያፈሩ ህዝቦች ናቸው። የአማራና የኦሮሞ ጋብቻ በተራው ህዝብ መሀከል ብቻ የሚደረግ ሳይሆን በነገስታቱና መኳንንቱ ደረጃ ሳይቀር በክብር ሲደረግ የነበረ የህዝቦች ታላቅ እሴት ነው። ይሄ ሁለት ህዝብ ካለው የቁጥር ስፋት፣ የመልክአ ምድር አቀማመጥና በኢትዮጵያ ታሪክ ውስጥ በጋራ ከፈፀመው አኩሪ ገድል አንፃር የዚህን ህዝብ አንድነት ማፍረስ ኢትዮጵያን ማፍረስ እንደሆነ የገባው ጠላት በማህበራዊ ሚዲያ ሁለቱ ህዝቦች ላይ ትኩረት አድርጎ የጥላቻ ስብከቱን ሲሰብክ ከርሟል። ከጥላቻ ስብከቱ የተነሳ እንደነዚህ ጥንዶች ያሉ በሚሊየን የሚቆጠሩ ኢትዮጵያውያን ደፍረው ወደማህበራዊ ሚዲያ እንዳይወጡ ሁሉ ተፅእኖ ማድረግ ችሏል። እነዚህ ጥንዶች ግን ይህንን ሁሉ የማህበራዊ ሚዲያ ተፅእኖ አልፈው በትዳራቸው ውስጥ ታላቋን ኢትዮጵያን እየሰበኩ ይገኛሉ። ማህበራዊ ሚዲያን በእኩይ ሁኔታ የሚጠቀሙ ሰዎች ላይ ህጋዊ አርምጃ መውሰዱ እንዳለ ሆኖ እንደነዚህ አይነት ፍቅር ሰባኪዎችን ማበረታታት ይገባል ከሚል ነው ወደዚህ ያመጣኋቸው። ትዳራቸው የሰመረ እንዲሆን እመኛለሁ።

እስሩ ቀጥሏል! ከሀገራችን ባህልና ወግ ባፈነገጠ መልኩ የማህበራዊ ሚዲያን ሲጠቀሙ የነበሩ ግለሰቦች በቁጥጥር ስር ውለው ምርመራ እየተጣራባቸው መሆኑን የአዲስ አበባ ፖሊስ ጠቅላይ መምሪያ አስታወቀ። ከማህበራዊ ሚዲያ ፕላትፎርም አንዱ የሆነውን ቲክቶክ በመጠቀም ከሀገራችን ባህልና ወግ ያፈነገጡ መልዕክቶችና ምስሎችን ሲያስተላልፉ የነበሩ ግለሠቦችን በቁጥጥር ስር በማዋል ምርመራ እየተጣራባቸው ይገኛል። በቲክቶክ ስሙ Lil_jay ወይም ጎይጋር ኮት ውይዋል እና ከእርሱ ጋር ያልተገባ አፀያፊ ድርጊት ስትፈጽም የነበረችው ኸሊሌ ጊቦ አያና የተባሉ ግለሠቦች የቲክቶክ አካውንት በመጠቀም ለመልካም ጠባይና ስነ ምግባር ተቃራኒ የሆነ መልዕክትንና ተንቀሳቃሽ ምስልን በቀጥታ ሲያስተላልፉ በመገኘታቸው ታህሳስ 02 ቀን 2018 ዓ/ም በለሚ ኩራ ክ/ከተማ ወረዳ 9 ልዩ ቦታው ፍሊንትስቶን ሆምስ ከሚባል ቦታ በቁጥጥር ስር ውለዋል። በተመሳሳይ በቲክቶክ ስሙ ፕሬዚዳንት ማሜ ወይም ባህሩዲን ሙሰማ ከሀገራችን ባህልና ወግ ያፈነገጡ መልዕክቶችን ሲያስተላልፍ በቦሌ ክ/ከተማ ወረዳ 1 ልዩ ቦታው ቦሌ ሚካኤል ጃፋር መስጅድ አካባቢ በቁጥጥር ስር ውሏል። ፖሊስ “ ማህበራዊ ሚዲያን ለበጎ ተግባራትና ትውልድን ለማነጽ መጠቀም ሲገባ ትውልድን ወደ አላስፈላጊ ድርጊት እንዲገባ የሚያስተምሩና የሚገፋፉ መሠል እኩይ ተግባራትን በሚፈጽሙ ግለሠቦችና ቡድኖች ላይ የሚወሰደው ህጋዊ ርምጃ ተጠናክሮ ይቀጥላል “ ብሏል።

ዛሬ 3 ዘመናዊ ባለ 10 ወለል ስማርት የወረዳ የአስተዳደር ሕንፃዎችን ገንብተን ወደ ሥራ አስገብተናል። በከተማችን የመንግሥት አገልግሎት አሰጣጥን ለማሻሻል ከተከናወኑ በርካታ ተግባራት መካከል አንዱ ለህዝብ ቅርብ የሆኑ የወረዳ አገልግሎት መስጫዎችን ማዘመን፣ በበቂ የሰው ኃይል ማደራጀት፣ በቴክኖሎጂ መደገፍ፣ እንዲሁም ለአገልግሎት ሰጪውና ለተገልጋዩ ማኅበረሰብ ምቹ የስራ ቦታን መፍጠር ይገኝበታል። እነዚህ ስማርት የአስተዳደር ሕንፃዎች አገልግሎትን ወደ አንድ ማዕከል በመሰብሰብ፣ የተገልጋዩ ጊዜና ሀብት እንዳይባክን በማድረግ፣ እንግልትና ውጣ ውረድን በመቀነስ፣ በአንድ ማዕከል ፈጣንና ቀልጣፋ የወረዳ አገልግሎቶችን ማግኘት እንዲያስችሉ ተደርገው የተገነቡ ናቸው። ሕንፃዎቹ ዘመናዊ የመኪና ማቆሚያ፤ የልጆች ማቆያና መጫወቻ ስፍራ፤ ውብ፣ ጽዱና አረንጓዴ ቅጥር ጊቢ እንዲኖራቸው ተደርገው ተገንብተዋል። በተጨማሪም አካል ጉዳተኞችንና አቅመ ደካሞችን ታሳቢ ያደረጉ ሊፍቶች የተገጠሙላቸው ናቸው። በመሆኑም ዛሬ በልደታ እና ንፋስ ስልክ ላፍቶ ክፍለ ከተማ በሶስት ወረዳዎች ስራ ያስጀመርናቸው ባለ 10 ወለል ስማርት የአገልግሎት መስጫ የአስተዳደር ሕንፃዎች ከተማችንን ስማርት/ስሉጥ ከተማ ለማድረግ የጀመርነው ስራ አካል በመሆናቸው፣ በቀሪዎቹ ወረዳዎች ላይ የማስፋትና የማብዛት ሥራ በቀጣይም ተጠናክሮ ይቀጥላል። ፈጣሪ ኢትዮጵያን እና ሕዝቦቿን ይባርክ! ከንቲባ አዳነች አቤቤ

ሜሮን መብራህቱ የተባለች ወጣትን የገደለው ወንጀለኛ በእድሜ ልክ ፅኑ እስራት ተቀጣ። የፍርድ ውሳኔው ከሦስት ዓመት በላይ ጊዜ ፈጅቷል። የ23 ዓመቷ ሜሮን መብራህቱ የካቲት 18 /2015 ዓ.ም በመቐለ የአውቶቡስ መናሃሪያ አከባቢ ነው በባጃጅ ተገድላ ተጥላ የተገኘችው። በግድያው ተጠርጥሮ ክስ የተመሰረተበት በላይ ፀጋይ የተባለ ግለሰብ ነው። ጉዳዩን የያዘው የመቐለ ማእከላዊ ፍርድ በወጣት ሜሮን መብራህቱ ግድያ የተከሰሰውን ግለሰብ ወንጀለኛነቱን አረጋግጦ ዛሬ ሀሙስ ታህሳስ 2/2018 ዓ.ም የፍርድ ውሳኔ ሰጥቷል። ወንጀለኛው ግለሰብ ግድያውን ጨለማን ተገን በማድረግ መፈፀሙ የተገለጸ ሲሆን ይህ የጭካኔ ድርጊቱ አልበቃ ብሎት የፈጸመውን እኩይ ተግባሩን ለመደበቅ ጥረት ማድረጉ የፍርድ ቅጣቱን ከባድ አድርጎታል። ፍርድ ቤቱ ግለሰቡን በእድሜ ልክ ፅኑ እስራት እንዲቀጣ ወስኗል። ይህ የፍርድ ውሳኔ የተላለፈው ከሦስት ዓመት በላይ ጊዜ ከወሰደ በኋላ ነው። ምንጭ ቲክቫህ ኢትዮጵያ