Davlat xizmatlari yangiliklari

📣E’LON “Biznesni 15 daqiqada boshlash” mavzusida matbuot anjumani o‘tkaziladi Adliya vazirligi tomonidan “Biznesni 15 daqiqada boshlash” tamoyili mazmun-mohiyatini aholi va tadbirkorlarga tushuntirish, davlat xizmatlari tizimida amalga oshirilayotgan keng ko‘lamli islohotlar, yangiliklar va yaratilayotgan qulayliklar haqida jamoatchilikni xabardor qilish maqsadida matbuot anjumani tashkil etilmoqda. 📅 Sana va vaqt: 2025-yil 17-dekabr, soat 11:00 📍 Joy: Chilonzor tumani Davlat xizmatlari markazi (Toshkent shahri, Chilonzor tumani, Bunyodkor shoh ko‘chasi, 7G) Anjumanda: 🔹“Biznesni 15 daqiqada boshlash” tamoyili mazmun-mohiyati tushuntiriladi; 🔹 Davlat xizmatlari sohasidagi so‘nggi yangiliklar taqdim etiladi; 🔹 Tizimdagi ochiqlik va shaffoflikni ta’minlash bo‘yicha amalga oshirilayotgan chora-tadbirlar muhokama qilinadi; 🔹 Jurnalistlar va blogerlar uchun ochiq muloqot va savol-javob imkoniyati yaratiladi. Matbuot anjumani davomida ishtirokchilar sohada amalga oshirilayotgan islohotlar, yangi xizmatlar, qulayliklar va xalqaro tajribani joriy etish yo‘nalishlari haqida batafsil ma’lumot olishadi. 📰 OAV vakillari, blogerlar, tadbirkorlar hamda jamoatchilik vakillarini ushbu tadbirda faol ishtirok etishga taklif etamiz. 📞 Qo‘shimcha ma’lumot uchun: (71) 207-04-38 (1071) Telegram | Instagram | Facebook | YouTube | Bot

Byurokratik to‘siqlar kamaymoqda, davlat xizmatlari yanada qulaylashmoqda! 2025-yil 8-sentyabrda imzolangan PF–157-son Farmoni raqamlashtirish va byurokratik to‘siqlarni qisqartirishda muhim omil bo‘lib xizmat qilmoqda. ✅ Kelgusi 3 yilda barcha xizmatlar “yagona darcha” tamoyili asosida qamrab olinadi, va 2028-yilga qadar YIDXP hamda Davlat xizmatlari markazlari orqali 900 xizmat taqdim etiladi. ✅ 30 turdagi ma’lumotlar fuqaroning shaxsiy kabinetiga real vaqt rejimida bepul joylashtiriladi. ✅ mingdan ortiq infokiosklar gavjum va uzoq hududlarga o‘rnatiladi. ✅ Xizmatlar endi hayotiy vaziyatlarga bog‘langan holda taqdim etiladi. Masalan: avtomashina sotib olishda ishonchnoma, sug‘urta, tonirovka, gaz balon o‘rnatish xizmatlari bir vaqtda taklif qilinadi. Telegram | Instagram | Facebook | YouTube | Bot

🏆 Adliya vazirligi — “Davlat tilida ish yuritish bo‘yicha eng namunali vazirlik-idora” nominatsiyasi g‘olibi! Bugun Respublika Ma’naviyat va ma’rifat markazi tomonidan tashkil etilgan “Eng namunali vazirlik va idora” hamda “Eng namunali tuman va shahar” tanlovi g‘oliblarini tantanali taqdirlash marosimi bo‘lib o‘tdi.

Ma'lumot uchun: O‘zbekiston Respublikasi Prezidentining 2021-yil 26-martdagi “Ma’naviy-ma’rifiy ishlar tizimini tubdan takomillashtirish chora-tadbirlari to‘g‘risida”gi PQ-5040-son qaroriga muvofiq har yili o'tkazib kelinayotgan mazkur tanlovdan mamlakatimizda ma’naviy-ma’rifiy sohadagi ilg‘or amaliyotlarni ommalashtirish, hudud va vazirliklar o‘rtasida sog‘lom raqobatni kuchaytirish, aholi, ayniqsa yoshlar orasida ma’naviy muhitni mustahkamlash maqsad qilingan

🔹 Ushbu natija davlat tilining nufuzi va mavqeini oshirish, hujjatlarni davlat tilida to‘g‘ri, sifatli va professional yuritish borasida olib borilayotgan tizimli ishlarning amaliy samarasidir. ✨ Adliya vazirligi jamoasini ushbu yuksak e’tirof bilan tabriklaymiz! Telegram | Instagram | Facebook | YouTube | Bot

#Suniy_intellekt Kambag'al oilalar reyestriga kiritilgan rasmiy band bo'lgan yolg'iz ota va onalarga farzandi uchun maktabgacha ta'lim xizmatidan foydalanish uchun moddiy yordam to'lab beriladi. Arizalar: —"Inson" ijtimoiy xizmatlar markazlari; — davlat xizmatlari markazlari; — "Yagona milliy ijtimoiy himoya" axborot tizimi; — Yagona interaktiv davlat xizmatlari portali (my.gov.uz) orqali qabul qilinadi. Moddiy yordam maktabgacha ta'lim tashkilotida tarbiyalanayotgan 3 yoshgacha bo'lgan bola uchun har oyda bazaviy hisoblash miqdorining 1.5 baravari miqdorida to'lanadi. Asos: Vazirlar Mahkamasining 2025-yil 31-iyuldagi 484-son qarori. Telegram | Instagram | Facebook | YouTube | Bot

#ogoh_bo'ling! ‼️Adliya vazirligiga shu kabi mazmunda tadbirkorlar va fuqarolar elektron pochtasiga xabarlar yuborilayotganligi haqidagi murojaatlar kelib tushmoqda. ❌Bunday ko'rinish va mazmundagi xatlar Adliya vazirligiga umuman tegishli emas va feyk xabarlar hisoblanadi. ❌Mazkur xatdagi havolalar va QR-kod sizning ma’lumotlaringizni o’g’irlaydigan soxta saytlarga ham yo‘naltirishi mumkin. ❗️Tadbirkorlardan va fuqarolardan firibgarlarga aldanib qolmaslikni va feyk xabarlarga ishonmaslikni so'raymiz. Adliya vazirligi Axborot xizmati Telegram | Instagram | Facebook | YouTube | Bot

#Suniy_intellekt Avtomototransport vositasini boshqarish huquqini beruvchi ishonchnomani elektron shaklda rasmiylashtirish mumkinligidan xabardormisiz? Arizalar Yagona interaktiv davlat xizmatlari portali (my.gov.uz) orqali qabul qilinadi. Ishonchnoma Adliya vazirligining “Notarius” avtomatlashtirilgan axborot tizimi orqali ro‘yxatga olinadi. Ishonchnomani elektron shaklda rasmiylashtirish uchun davlat boji “Davlat boji to‘g‘risida”gi Qonunda belgilangan davlat bojiga nisbatan quyidagi foizlarda undiriladi: - 1 oygacha bo‘lgan muddatga — 10 foiz; - 1 oydan ortiq va 6 oygacha bo‘lgan muddatga — 50 foiz; - 6 oydan ortiq va 3 yilgacha bo‘lgan muddatga — 100 foiz. Asos: Vazirlar Mahkamasining 2023-yil 20-noyabrdagi 613-son qarori. Telegram | Instagram | Facebook | YouTube | Bot

Yil sarhisobi va kelgusi rejalar 📌 Yevropa Ittifoqi va BMT Taraqqiyot Dasturi tomonidan Adliya vazirligi bilan hamkorlikda “O‘zbekistonda davlat xizmatlari ko‘rsatishni yanada takomillashtirish” loyihasi kengash yig‘ilishi o‘tkazildi. 💠 Yig'ilish davomida joriy yilda amalga oshirilgan ishlar, erishilgan natijalar muhokama qilindi. ✅ Xususan, loyiha doirasida 2025-yilda quyidagi ijobiy natijalarga erishilgani qayd etildi: 🔹 “Davlat xizmatlari ko‘rsatish to‘g‘risida”gi Qonun loyihasi ishlab chiqildi; 🔸 kompozit, proaktiv davlat xizmatlari salmog'i oshirildi va ko'plab davlat xizmatlarini ko'rsatish tartibotlari soddalashtirildi; 🔹 35 nafar davlat xizmatchilari uchun Biznes jarayonlarini qayta loyihalash bo‘yicha, 36 nafar IT mutaxassislari uchun Big Data va sun’iy intellekt bo‘yicha seminar-treninglar tashkil etildi; 🔸 50 dan ortiq axborot xizmati xodimlari, jurnalistlar va blogerlar uchun davlat xizmatlari haqida aniq va xolis axborot tarqatish bo'yicha seminar-treninglar o'tkazildi; 🔹 Yagona interaktiv davlat xizmatlari portali va 7 ta pilot hududdagi Davlat xizmatlari markazlari faoliyatini o‘rganish ishlari amalga oshirildi. ✨ Tadbir davomida 2026-yilda davlat xizmatlari ko‘rsatish tizimini takomillashtirish bo'yicha hamkorlikda amalga oshiriladigan maqsad va vazifalar belgilab olindi. Telegram | Instagram | Facebook | YouTube | Bot

✅ Endilikda litsenziya, ruxsatnomalar olish uchun arizalarni hamda xabarnomalarni vakolatli organga Davlat xizmatlari markazlari orqali ham yuborish yo'lga qo'yiladi. Asos: O‘zbekiston Respublikasining 2025-yil 27-noyabrdagi O‘RQ-1099-son Qonuni. 🌟 Unutmang, biz Sizning qulayligingiz uchun ishlaymiz! Telegram | Instagram | Facebook | YouTube | Bot

#E’lon Davlat xizmatlarini ko‘rsatish sifatini oshirish maqsadida 2-3-dekabr kunlari server qurilmalarining texnik imkoniyatlarini kengaytirish ishlari rejalashtirilgan. Shu sababli, Davlat xizmatlari markazlari orqali tadbirkorlik subyektlarini davlat ro‘yxatidan o‘tkazish, qayta ro‘yxatdan o‘tkazish va elektron raqamli imzo kalitlarini rasmiylashtirish davlat xizmatlarini ko‘rsatishda ayrim uzilishlar kuzatilishi mumkin. Mazkur nosozlik bartaraf etilganda qo‘shimcha tarzda maʼlum qilinadi. Noqulayliklar uchun uzr so‘raymiz. Bizni barcha ijtimoiy tarmoqlarda kuzatib boring Telegram | Instagram | Facebook | YouTube | Bot

#qonunchilikdagi_yangiliklar ⏰ 2026-yil 1-martdan boshlab quyidagi arxiv xizmatlarini ko'rsatish muddatlari qisqartiriladi: ✅ arxiv hujjatlari yoki ularning ko'chirma nusxalarini O'zbekistondan tashqariga vaqtincha olib chiqish uchun ruxsatnoma berish — 15 ish kunidan 5 ish kunigacha; ✅ yaroqsiz holatga kelgan yoki yo'qotilgan mehnat daftarchasidagi yozuvlarni tasdiqlash — 20 ish kunidan 10 ish kunigacha; ✅ oliy va o'rta-maxsus ta'lim muassasasida o'qiganlikni tasdiqlash haqidagi arxiv ma'lumotnomasini berish — 5 ish kunidan 2 ish kunigacha; ✅ arxiv hujjatlari, kitoblar va qo'lyozmalarni raqamlashtirish (elektron nusxa olish) — 3 ish kunidan 1 ish kunigacha. Asos: O'zbekiston Respublikasi Prezidentining 2025-yil 24-noyabrdagi PF-228-son Farmoni. Telegram | Instagram | Facebook | YouTube | Bot

#podkast #korrupsiya FHDY organlari va DXMlarda to‘lovlarning qonuniyligini qanday tekshirib olish mumkin? Ya’ni qanday belgilar ortiqcha mablag‘ undirilayotganligini bildiradi? (qog‘ozchaga yozib berishi, birvoni kartasiga pul o‘tkazish, chek bermaslik va hokazo). Bu holatlarda nima qilish kerak? Ushbu savollarga videoni ko'rish orqali javob olasiz? To'liq video: https://youtu.be/7GvetVQOmV4

Qanday qilib davlat xizmatlaridan arzonroq foydalanish mumkin? Agar Siz davlat xizmatidan, shu jumladan lisenziya, ruxsatnoma olish, davlat ro‘yxatidan o‘tish va boshqa xizmatlardan foydalanish uchun Yagona interaktiv davlat xizmatlari portali (YIDXP – my.gov.uz) yoki uning mobil ilovasi orqali murojaat etsangiz belgilangan davlat boji, yig‘imlar va boshqato‘lovlarni amalga oshirishda tegishli (10 foizlik) chegirmalarga ega bo‘lasiz. Batafsil 👉 O'qish Bizni barcha ijtimoiy tarmoqlarda kuzatib boring Telegram | Instagram | Facebook | YouTube | Bot

Dada, qo‘llaringiz nega qora? Korrupsiya — nafaqat qo‘lni, balki qalbni, nomusni, oriyatni qoraytiradi. Bu yo‘l emas — botqoqlik, yutuq emas — uyat, jazosi bor jinoyatdir. “Vijdon” loyihasida qizaloqning iztiroblari… Telegram | Instagram | Facebook | YouTube | Bot

#Adliya_tanlov 📣📣 Jurnalist va blogerlar diqqatiga! ✅Adliya vazirligi tomonidan Konstitutsiyada belgilangan qoidalarni tushuntiradigan eng yaxshi post va maqola tayyorlagan ijodkorlar eʼtirof etiladi. Bunda Konstitutsiyada belgilangan huquqlarni targʻib qiluvchi eng yaxshi ijodiy ishlar jamoatchilik faollari va ekspertlardan iborat komissiya tomonidan saralab olinadi. Tanlovda ishtirok etish uchun 2025-yilning 1-yanvaridan 1-dekabriga qadar boʻlgan davr oraligʻida Oʻzbekiston Respublikasi Konstitutsiyasi boʻyicha tayyorlangan hamda ommaviy axborot vositalari va ijtimoiy tarmoqlarda eʼlon qilingan yoki nashr etilgan maqola va blogpostlar mualliflar tomonidan Telegramdagi @axborot_xizmati_AV elektron manziliga yuboriladi. Tanlov quyidagi nominatsiyalar boʻyicha oʻtkaziladi: ✔️ “Konstitutsiyada belgilangan qoidalarni tushuntiradigan eng yaxshi maqola”. ✔️ “Konstitutsiyada belgilangan qoidalarni tushuntiradigan eng yaxshi blogpost”. 🗓 Muddat: 2025-yil 1-dekabrgacha. Saralab olingan ishlar mualliflari esdalik sovgʻalar bilan taqdirlanadi. Telegram | Instagram | Facebook | YouTube | Bot

#qonunchilikdagi_yangiliklar Bugundan boshlab nikohlanuvchilarni tibbiy ko‘rikdan o‘tganligi haqidagi ma’lumotnoma “qog‘oz” shaklda fuqarolardan talab qilinmaydi Telegram | Instagram | Facebook | YouTube | Bot

#Davlat_xizmatlari 🏫“Davlat xizmatlari – sifat, tezkorlik va qulaylik.” 📣Endilikda har yili respublikamiz bo‘ylab “Eng namunali davlat xizmatlari markazi" tanlovi o‘tkaziladi. Tanlovni tashkil etishdan maqsad – aholiga yanada sifatli va qulay xizmat ko‘rsatishni rag‘batlantirishdir. 🔊Tanlov viloyat va respublika bosqichlarida o‘tkaziladi. Viloyat bosqichida g‘olib bo‘lgan markazlar yakunda respublika bosqichida ishtirok etadi.

✅Baholash 100 ballik tizim asosida amalga oshiriladi, bunda: — xizmat sifati va tezligi; — qulay infratuzilma; — xodimlar malakasi; — intizom va odob; — inklyuziv sharoitlar o‘rganiladi.

🔹G‘olib bo‘lgan markazlar diplom, esdalik sovg‘alari va pul mukofoti bilan taqdirlanadi. Bu — halol mehnat, fidoyilik va jamoviy sa’y-harakatlarning e’tirof etilishidir. ✅Sizga qulay, tezkor va ochiq hamda eng yaxshi xizmat ko‘rsatish – bu bizning maqsadimizdir. Telegram | Instagram | Facebook | YouTube | Bot

Shaffof davlat xizmati — korrupsiyaga qarshi eng samarali chora! ✅ Elektron davlat xizmatlari: — byurokratiyani qisqartiradi; — inson omilini kamaytiradi; — jarayonlarni shaffof qiladi; — ortiqcha vaqt va xarajatlarni tejab qoladi. 💠 Bugungi kunda aholi va tadbirkorlik subyektlariga jami 1040 ta davlat xizmatlari ko'rsatilmoqda. 🔸510 ta davlat xizmati — Davlat xizmatlari markazlari orqali; 🔸790 ta davlat xizmati va servislar — Yagona interaktiv davlat xizmatlari portali (my.gov.uz) orqali; 🔸150 ta litsenziya va ruxsatnomalar — “Litsenziya” axborot tizimi (license.gov.uz) orqali ko'rsatilmoqda. ✅ Aholi va tadbirkorlar eng ko‘p foydalanadigan davlat xizmatlari ko‘rsatilishida avtomatlashtirish va inson omilini kamaytirish maqsadida: 🔹21 ta davlat xizmati — proaktiv shaklda; 🔹70 ta davlat xizmat — kompozit shaklda; 🔹30 ta davlat xizmatlari — real vaqt rejimida taqdim etilmoqda. Telegram | Instagram | Facebook | YouTube | Bot

#Adliya_tanlov 📣📣 Jurnalist va blogerlar diqqatiga! ✅Adliya vazirligi tomonidan Konstitutsiyada belgilangan qoidalarni tushuntiradigan eng yaxshi post va maqola tayyorlagan ijodkorlar eʼtirof etiladi. Bunda Konstitutsiyada belgilangan huquqlarni targʻib qiluvchi eng yaxshi ijodiy ishlar jamoatchilik faollari va ekspertlardan iborat komissiya tomonidan saralab olinadi. Tanlovda ishtirok etish uchun 2025-yilning 1-yanvaridan 1-dekabriga qadar boʻlgan davr oraligʻida Oʻzbekiston Respublikasi Konstitutsiyasi boʻyicha tayyorlangan hamda ommaviy axborot vositalari va ijtimoiy tarmoqlarda eʼlon qilingan yoki nashr etilgan maqola va blogpostlar mualliflar tomonidan Telegramdagi @axborot_xizmati_AV elektron manziliga yuboriladi. Tanlov quyidagi nominatsiyalar boʻyicha oʻtkaziladi: ✔️ “Konstitutsiyada belgilangan qoidalarni tushuntiradigan eng yaxshi maqola”. ✔️ “Konstitutsiyada belgilangan qoidalarni tushuntiradigan eng yaxshi blogpost”. 🗓 Muddat: 2025-yil 1-dekabrgacha. Saralab olingan ishlar mualliflari esdalik sovgʻalar bilan taqdirlanadi. Telegram | Instagram | Facebook | YouTube | Bot

#Yangi_tartib 📌Oziq-ovqat va qishloq xo'jaligi mahsulotlariga sanitariya-epidemiologik xulosa olish yanada oson! ✅ 2026-yil 1-yanvardan boshlab arizalar Davlat xizmatlari markazlari yoki Yagona interaktiv davlat xizmatlari portali (my.gov.uz) orqali qabul qilinadi. 🏛 Vakolatli organ: Sanitariya-epidemiologik osoyishtalik va jamoat salomatligi qo'mitasi, uning hududiy boshqarmalari va tuman (shahar) bo'limlari. 🔷 Xizmatdan foydalanuvchilar: yuridik shaxslar va yakka tartibdagi tadbirkorlar. 💰Davlat xizmatini ko'rsatganlik uchun BHMning 1 baravari miqdorida to'lov undiriladi.

⏳Sanitariya-epidemiologik xulosa: — 3 yil muddatga; — chetdan olib kelinayotgan mahsulotga mahsulot yaroqlilik davriga; — yaroqlilik muddatiga ega boʻlmagan mahsulotga muddati ko'rsatilmasdan beriladi.

Asos: Vazirlar Mahkamasining 2025-yil 13-noyabrdagi 720-son qarori. Telegram | Instagram | Facebook | YouTube | Bot

#Qonunchilikdagi_yangiliklar 🔹Endilikda fuqarolar Davlat xizmatlari markazlariga faqat bitta pasport bilan murojaat qilib, doimiy yoki vaqtincha yashash joyi bo‘yicha ro‘yxatdan o‘tish xizmatidan foydalanishlari mumkin. 🔹Ushbu tartib fuqarolarga xizmat ko‘rsatish jarayonini yanada soddalashtirish hamda ortiqcha hujjatlar talabini kamaytirishga xizmat qiladi. Telegram | Instagram | Facebook | YouTube | Bot