Zemedkun Bekele (ዘመዴ)

መልካም…! "…ርእሰ አንቀጻችን አንብበን ጨርሰናል። በቀጣይ በቀጥታ የምንሄደው ወደ አስተያየት መስጠቱ መርሀ ግብር ነው። ወደዚያ እንሄዳለን። ከዚያ በፊት ግን ይህቺን ማስታወሻ ያዙልኝ። • በጃንደረባው ጉዳይ የጀመርኩትን አጠናክሬ እቀጥልበታለሁ። ጥቂት ቁራጭ በቅቤ የታሸች ሥጋ ጣል በማድረጌ ምክንያት ከየቦታው ግርርር ብሎ የመጣውን ጉንዳን፣ ቁጫጭ በሙሉ አደብ አስገዛዋለሁ። ደግሞ ለጉንዳን። ለዘመሚት። ለቁጫጭ። ኬሬዳሽ። "…ፓስተር ቢንያም እረፍ። በግድ አጀንዳ መሆን ፈልገሃል። ማን ጃስ እንደሚልህ ጠፍቶኝ አይደለም። ተረጋጋ። እኔ ለአንተ ያለኝ አክብሮት መቼም ቀንሶ አያውቅም። ወደፊትም እንዲቀንስ አልፈልግም። እኔ ለአንተ ጥብቅና የቆሙኩት፣ ድምጽ የሆንኩት አንተ ኦርቶዶክስ ከሆንክ በኋላ አይደለም። አንተ ጴንጤ፣ ያውም ፓስተር ሆነህ ስለእውነት መከራ ስትቀበል በነበረ ጊዜ ነው። እኔንስ እሺ ቀሲስ ሳሙኤልን ግን መናገር ለአንተ መከራ በደል ቢያመጣብህ እንጂ አታተርፍም እና ቢኒዬ እረፍ። እረፍ ብዬሃለሁ። ቢያንስ አንተ ታስረህ ለቤተሰብህ ምን ያህል ዋጋ እንደከፈለ ባለቤትህ ምስክር ናት። እኔን በለኝ፣ ውቀጠኝ። ቀሲስ ሳሙኤል ግን ግፍ ነው የሚሆንብህ። እሱን ተወው እና ባይሆን እምቢ ካልክ እንደ ልማዴ እኔ እገጥምሃለሁ። "…ዶክተር አረጋ ከነ ፖለቲካ ልዩነታችን አክባሪህ ነኝ። ቤተ ክርስቲያንን በብዙ የምትጠቅማት ሰው ነህ። እኔ የአንተን ፔጅ በሚዲያ ጭምር ለማስተዋወቅ እፈልግና ባለን የፖለቲካ ልዩነት ምክንያት እኔው አስተዋውቄህ በኋላ እንዲህ ዓይነት ቀን መጥቶ ወደ ፍጭት ገብተን "ዘመዴ በገዛ እጅህ እኮ ነው። አንተው ራስህ አስተዋውቀኸው ብለው ወዳጆቼ እንዳይወርዱብኝ ብዬ እንጂ አቅም ያለህ ሰው ነህና የመንደር፣ ተራ የማይመጥንህን ነገር ተወውና ተመንጭቀህ፣ ተስፈንጥረህ ይልቅ ወደፊት ውጣ። የነካሁት ሁሉ እየከሰመ ስለተቸገርኩ በብዙ ልጨክንብህ አልፈቀድኩም። ቢያንስ አንተ ዶር፣ እኔ ማይም ነን። ስድብ በእኔ እንጂ በአንተ ፈጽሞ አያምርም። ሉዘር አይባልም። አስተያየት የሚሰጡህን አክብር። "…ተመልከት በዛሬው ርእሰ አንቀጼ ላይ አባቴ፣ ወዳጄ የሆኑት አባ ጽጌ ሥላሴ እና ዶር ቀሲስ መንግሥቱ ጎበዜ ላይ የቀረበን ቅሬታ ላብ እያላበኝ እኮ ነው ያቀረብኩት። አገልጋይ ስንሆን እንፈተናለን። እኔ የሩቆቹን እየተቸሁ፣ እየገሰጽኩ የቅርቤ ናቸው የምላቸውን ልሸፍን ካልኩኝ ተፈትኜ እወድቃለሁ። እንደ አብርሃም ነው መሆን ያለብን። ልጅህን ሰዋልኝ ሲባል ቆይ ሌላ የድሀ ልጅ ልሰዋ አላለም። በስተ እርጅና የወለደውን ልጁ ይስሐቅን ነው ለመሰዋት የወሰነው። እናም አንተ ሄኖክ ጓደኛህ ስለሆነ በማለት የምታደርገው መፍጨርጨር ግምት ውስጥ ይጥልሃል። ወንድማችን ቢንያም ሽታዬንም ስህተት ላይ አትጣለው። እስከ አሁኗ ሰዓት ድረስ አክባሪ ታናሽ ወንድምህ ዘመዴ ነኝ ባልተለመደ ትህትና መልእክቴን የማስተላልፍልህ። "…በተረፈ እሳት ለብሼ፣ እሳት ጎርሼ በጀንደረባው ጉዳይ ላይ በሰፊው እመጣበታለሁ። ዝግጅቱ ይቋረጣል ብዬ አይደለም። አይቋረጥም። መንግሥት የሚደግፈው። በጀት የሚመድብለት። ፈንድ ያለው። ለፖለቲካ ሥራው የሚጠቅመውን፣ የክርስቲያኖችን ጭፍጨፋ በነጭ ልብስና በካሴት መዝሙር የሚደብቀውን፣ መኒ ላውደሪ የገንዘብ አጠባ የሚካሄድበትን፣ የወያኔ፣ የጎጃም ቅባት፣ የብልጽግና ወንጌል አማኞች የሚደግፉትን፣ የመንግሥት ሚዲያ የአየር ሰዓት የሚሰጠውን የበለጸገ ጃንደረባ በምን አቅሜ አስቆመዋለሁ። አልችልም። "…ብችልማ በዝግ 20 ሺ ብር መግቢያ እየተከፈለ ሸራተን የተዘጋጀውን ዝግጅት ገንዘብ የት ደረሰ? የት ገባ ብዬ እጠይቅ ነበር? ኮሜዲያን እሸቱ መለስ የሰበሰበው የጃንደርባው ያ ሁሉ ሚልየን ብር የት ገባ ብዬ እጠይቅ ነበር። አልችልም አባ። አሁን ላይ አልችልም። ሄኖክን ስተቸው የጎጃም ቅባት፣ የጎንደር እስኳድ እና የወያኔ ትግሬ መንጋ የሚንጫጫብኝ ለምን ይመስልሃል? 😁 "…እንዳልኩት ነው። የእኔ ሥራ ሓሳብ መስጠት ነው። ሓሳቤ ገዢ ካገኘ እሰየው። ገዢ ካላገኘ ኪሳራዬን ተከናንቤ መቀመጥ ነው። እንደ ምህረተ አብ የምሳሳለት ወንድም አልነበረም። የተፈተንኩበት ወንድሜ ነው። እኔ አልኩት ምህረተ አብን ያጠገበህን የዐውደ ምህረት ገንዘብ እንዲቋረጥ አደርግብሃለሁ። የእኔ ቀላል ነው። አገዛዙ ግን ከነ አካቴው ድምጥማጥህን ያጠፈዋል አልኩት። በብዙ ተሰደብኩበት፣ ተረገምኩበት። በስተ መጨረሻ ግን የእኔ ሓሳብ ገዢ ሲያገኝ ያ ልጁን ያቀበጠው ገንዘብ ከዐውደ ምህረት ደረቀ። የእኔ ሲያልቅ አገዛዙ መጣለታ። ቤተ መንግሥት ጠርቶ ራሱ አቢይ አሕመድ የሚታየውን አሳይቶ "በቦሌም ባባሌም ጥፋ" አለው። ምህረተ አብ የአሜሪካ ቪዛ ስላለው በቦሌ ጠፋ። ጠፋ ጠፋ፣ ጠፋ። ያ ሁላ መንጋ የምህረተ አብ የግሉ ቲፎዞ ግን ምህረተ አብ የት ወደቀ ብሎ አንዱም አልፈለገውም። "…አስረግጬ የምነግርህ አለ ሞጣ። አስረግጬ የምነግራችሁ ግን እኔ ሓሳቤን፣ መልእክቴን፣ በገባኝ መጠን ሳስተላልፍ የምጠብቀው ሚልዮኖች ሓሳቤን እንዲገዙ አይደለም። ቢያንስ ሁለት ሦስት ሳው ካገኘሁ በቂዬ ነው። መክሊቴን አልቅበር እንጂ ለሕዝብ ጋጋታ አልጨነቅም። ግዴም አይደለም። "…ነገርን ነገር አምጥቶት ነው እንጂ ወደ ሌላ የገባሁት ዛሬ የምንነጋገረው በቅዱስ ላሊበላ ደብር የመጪው ጊዜ ፈተና ላይ ነበር። አሁንም በአንድ ድንጋይ ሁለት ወፍ እንዲሉ በመረጣችሁት ጉዳይ ላይ ሓሳባችሁን ትሰጡ ዘንድ ጋበዝኩ። • ጀምሩ… ✍✍✍