ХАЛҚ ТАЪЛИМИ ХОДИМЛАРИ УЧУН

Мактаб директорлари ва ўринбосарларига KPI асосида ҳар ойлик устама жорий этилди Вазирлар Маҳкамасининг 2024 йил 21 октябрдаги 662-сонли қарорига мувофиқ, умумтаълим мактаби директори ва унинг ўринбосарларини фаолият самарадорлиги (KPI) бўйича баҳолаб, ҳар ойлик устама тўлаш тартиби жорий этилди. Устама миқдори йиғилган балларга боғлиқ тарзда белгиланади; молиялаштириш жамғарма маблағлари ҳисобидан амалга оширилади. Қарорга кўра, раҳбар ходимлар фаолияти Мактабгача ва мактаб таълими вазирлиги тасдиқлаган методика асосида баҳоланади. Баллар диапазонига қараб устамалар қуйидагича белгиланади: директорлар учун: 61–70 балл — 3 фоиз; 71–80 балл — 10 фоиз; 81–90 балл — 15 фоиз; 91–100 балл — 20 фоиз; директор ўринбосарлари учун: 61–70 балл — 2,5 фоиз; 71–80 балл — 5 фоиз; 81–90 балл — 7,5 фоиз; 91–100 балл — 10 фоиз. Устамалар жамғарма маблағлари ҳисобидан тўланади. Директор ёки ўринбосар камида 9 ой асосий лавозимида ишлаган бўлиши шарт. Истиcно ҳолат: халқаро фан олимпиадаларида ўқувчилари ғолиб бўлган мактаб директорларига юқори чеклар бўйича чекловлар татбиқ этилмайди. KPI баҳолаш методикаси ва ҳисоб-китоб тартиби Мактабгача ва мактаб таълими вазирлиги ҳужжатлари билан тасдиқланади. Устама фақат белгиланган мезонлар бўйича якка тартибдаги балл натижаларига асосан тайинланади.