Тўғри ёзамиз — мутахассис блоги

Инсон учун энг муҳими — тарбия, билим ва соғлик. Иқтибосда шу нарса назарда тутиляпти. Агар бизда улардан бири бўлмаса, қандай ҳолат бўлишини мисолда яққол кўриб турибсиз. Мухум | Muxum ❌ Муҳим | Muhim ✅ *Расм обуначиларимиздан @xatoliklar

Чала ўзбекча, чала русча гапириш ва ёзишга одатланган ўзбегим-эй... Оптом ❌ Улгуржи савдо ✅ Алвастр ❌ Алебастр ✅ Мытый песок ❌ Ювилган қум ✅ *Расм обуначиларимиздан @xatoliklar

Ҳаққоний реклама Расмда хато йўқ. Бунақа трейдинг иловаларини юклаб олгандан кейин одам бор пулини ҳам йўқотиб, ўлиб кетиши ҳеч гап эмас. *Расм обуначиларимиздан @xatoliklar

“Ўқинг, фақат йиғламанг” деган гап бўларди аввал. Энди “кўринг, фақат ўқиманг” дейдиган ҳолатлар бўляпти. *Расм обуначиларимиздан @xatoliklar

Ҳазил ортида ҳақиқат Бу сунъий идрокнинг янги талқини PhD (фан доктори) даражасида фикрлай олиши ҳақида айтиляпти. Менимча, бир неча томли луғат ва энциклопедияларнинг даври ўтди. Сунъий идрок даври бошланди. Энди ундан фойдаланишни биладиганларга талаб ортади. Сиз ундан қанчалик фойдалана оляпсиз? Сизга керакли натижа чиқариб бериши учун тўғри промт (вазифа) кирита оляпсизми? @xatoliklar

— Русча қилайликми? — ... — Ёки ўзбекчами? — ... — Инглизча қилақолайлик. — Бошимни оғритманглар! Нима бўлгандаям, кабобам куймасин, сихам куймасин! Ҳозир шошилинч Zoom митингим бор.

Бу сўзда ҳам кўпчилик адашар экан. Google орқали «qurulish» сўзини қидирувга берсангиз, лотин алифбосида 58 000 та натижа чиқади. Қурулиш | Qurulish ❌ Қурилиш | Qurilish ✅ *Расм обуначимиздан @xatoliklar

TBC Bankda digital copywriter vakansiyasi Qisqa va aniq yozishni yoqtirasizmi? Push, bannerlar va reklama matnlarini jonlantirishni bilasizmi? Unday bo‘lsa, bizning jamoaga qo’shiling. Nimalarni taklif qilamiz: — O‘zR MK bo‘yicha rasmiy rasmiylashtirish — oyda ikki marta barqaror ish haqi — jadval 5/2, soat 10:00 dan 19:00 gacha — sinov muddatidan keyingi sug‘urta — korporativ ta’lim, ishda o‘sish imkoniyati — timbilding va sport faolliklari Havola orqali o‘ting va O‘zbekistonda bank tizimini o‘zgartiradigan jamoaning bir qismiga aylaning.

Ҳозир ҳамма ўқишда, ишда, ҳаёт ташвишлари билан банд. Ўз устида ишлашга эса вақти йўқ. Ана, қўшнингизнинг боласи инглиз тилини билгани учун яқинда машина ҳам олди. Унинг ҳам вақти йўқ эди, ҳатто ўқишдан кейин ишларди. Инглиз ва рус тилини эса бўш вақтида, онлайн курсларда ўқиб ўрганди. Сизга ҳам шундай, яъни айнан сизнинг вақтингизга мослашадиган курслар керак. Рус ва инглиз тилини ўрганиш учун 6 ойлик курс бор — нархи атиги 600 минг сўм. • Жонли дарслар • Ёзиб олинган видеолар • Ёрдамчи ўқитувчилар • Якка тартибда ҳам ўтилади Батафсил маълумот: @SOO_18_05

Бунёдкор кўчасида янги қурилган жойлардаги ҳолат экан. Бир оғиз сўрамайсанми мендан... дейдиган одам йўқ. Ёш болалик | Yosh bolalik ❌ Ёш болали | Yosh bolali ✅ Айёллар | Ayyolar ❌ Аёллар | Ayollar ✅ Гапда яна қандай хато бор, изоҳларда ёзиб қолдиринг. *Расм обуначиларимиздан @xatoliklar

«Тўғри ёзилган сўзни топинг» рукнидан... Интернетда берилган эълонлардан бири экан. *Расм обуначиларимиздан @xatoliklar

Аёллар учун Ўзбек — пазанда халқ. Дастурхони доим мазали таом ва ширин пишириқларга тўла. Аммо ҳаммамиз ҳам қизларимизни катта ҳаётга тайёрлашга улгурмай қоляпмиз. Совчилар келса, ким ҳам оғзини тўлдириб “қизимиз пишир-куйдирга уста” дейишни истамайди? Сиз учун Asliya Food маҳоратли пазандалар жамоаси кундалик таомлар курсига 4-қабулни очибди. Ота-оналар — қизингизни ўқитинг Қайноналар — келинингизни ўқитинг Йигитлар — аёлингизни ўқитинг Аёл-қизлар — ўзингиз ўқинг Дарс шакли: офлайн (студия 1-шаҳар шифохонаси яқинида) Дарслар сони: 9 та Давомийлиги: 3 ҳафта, ҳафтада 3 кун Курс нархи: 800 минг сўм Мурожаат учун: @miiss_m07 Asliya Food ҳақида: https://www.instagram.com/asliyafood/reels/

“Бир мартали” ёки “бир марталик”? Охирги пайтда ўзбек тили ихлосмандлари, ҳимоячилари кўпайаётгани; бир сўз билан айтганда, ўзбек тили трендга олиб чиқилаётгани — зўр ҳолат. Лекин, барибир, ҳар ишни ўз устаси қилгани яхши. Айниқса, нозикроқ ҳолатлар бўлса. Бўлмаса, видеодаги каби вазият бўлади — қош қўяман деб, кўз чиқариб қўйишади. Видеони таҳлил қиламиз. Бир мартали ишлатиладиган вилка. Жумла ҳақиқатан ҳам ғализ — ишлатиладиган сўзи ортиқча. Лекин видеода “бир мартали” деб ёзилиши хато, “бир марталик” бўлиши керак, дейиляпти. Қоида нима дейди? -лик аффикси мавҳум от ясайди. Мактабда ўқигансиз — от сўз туркуми ким? ва нима? сўроқларига жавоб бўлади. -ли аффикси эгалик белгисини билдирувчи сифат ясовчилардан саналади. Мактаб даврига қайтиб, сифат сўз туркуми қандай? ва қанақа? саволларига жавоб беришини эслаймиз. Энди савол: бир мартали (бир марталик) вилка жумласида марта сўзи ўрнига сўроқ сўз қўйиб кўринг: — Қандай (қанақа) вилка? — Нима (ким) вилка? Демак, бу ҳолатга мантиқан қандай? сўзи тўғри келаётган бўлса, шунга мувофиқ сифат ясовчи қўшимчадан фойдаланишимиз керак. Сифат ясовчи қўшимча эса -лик эмас, -ли! Бир марталик вилка ❌ Бир мартали вилка ✅ ____________________________ Вилками ёки санчқи? Вилка адабиётларда ҳам, оғзаки нутқимизда ҳам кўп ишлатилади. Санчқи сўзидан кўпроқ. Луғатларимиздан ҳам муқим жой эгаллаган. Тўғри, ўзбекча санчқини ишлатган маъқул. Лекин ҳозирча вилкани тўлиқ инкор қилолмаймиз. Санчиқи ❌ Санчқи ✅ Вилка ✅ ____________________________ Демак: Бир мартали ишлатиладиган вилка ❌ Бир марталик вилка ❌ Бир мартали вилка ✅ Бир мартали санчқи ✅ Постни керакли инсонларга жўнатиб қўйинг. @xatoliklar

Ландавур ўзи нима дегани? Ўзбек ва тожик тилларида бу сўз ҳеч бир ишни уддалай олмайдиган, лапашанг, танбал, эпсиз одамга нисбатан айтилади. Келиб чиқиши форсча. Аслиятда узун бўйли, баҳайбат, девқомат кишиларга нисбат беришда ишлатилади. Асли ландаҳур — тожикчада айни шу ҳолатда қўлланади, ҳозирги ўзбек тилида эса бу шакли учрамайди. Қизиқ этимология Деҳхудо луғатида ёзилишича, ландаҳур “Қуёшнинг ўғли” (ланд — Қуёш, ҳур — ўғли) дегани. Тарихда шу исмли ҳинд ҳукмдори бўлган. Афсонага кўра, Қуёш унинг онасига назар солган ва у ҳомиладор бўлган. Шу тариқа туғилган болага Ландаҳур (Қуёшнинг ўғли) исми қўйилган. Локализация Шу афсонани ўзимизга мослаштирсак, қизиқ бир ўхшашликни пайқаш мумкин: худди афсонадагидек назар солиш билан ҳомиладор бўлишнинг имкони бўлмаганидек, “олма пиш, оғзимга туш” деб ўтириш ҳам ҳеч қандай натижа бермайди. Фақат ландавур, ишёқмас, шалвираган одамларгина ҳаракатсиз бирор нарсага эришишни истайди. @xatoliklar

Шу кепси деганлари — янгича ва ҳангомали ўзлашма. Ўз тарихи бор. Асли насли — KFC (кей-эф-си), яъни Кентукки штатидаги қовурилган товуқ гўшти деган сўзларнинг қисқартмаси. Бренд номи билан муайян нарсани ифодалашяпти, худди “Tefal” деганда электр чойнакни назарда тутгандек. Кепси ҳозирча сўзлашув услубида ишлатиляпти, лекин бир неча йилдан кейин “махсус усулда қовурилган товуқ гўшти” деган изоҳ билан луғатларга кириб қолса, ҳайрон бўлманг. *Расм обуначиларимиздан @xatoliklar