መሪጌታ አምደብርሃን የባህል ህክምና መስጫ ማዕከል 🌿🌿🌿

#የራስ_ፍልጠት_መድኃኒት_ወይም_ህመሙን_ለማስታገስ_የሚደረገው_ፈውስ 1. ከሴ፣ዳማከሴ፣የአረግሬሣ፣ግዜዋ፣ምስርች፣ ልምጭ፣ጦስኝ፣ወይራ፣እንቧጮ፣ጭቁኝ/የቡና ቅጠል / ቅጠላቸውን የተገኙትን ሰብስቦ እንደሻይ እያፈሉ ከሎሚ ውኃ ጋር መጠጣት ነው ። 2. ሁለገብ፣እንቧጮ፣ወምበርት፣ቅጠላቸውን የሴት ቀስት፣ዋጊኖስ ፍሬያቸውን፣በአንድ ላይ ወቅጦ በፍየል ቅቤ ወይም ቅልጥ አንጥሮ በአፍንጫ ማድረግ በመሐል ራሱ መደፍደፍ ነው ። 3. የሽነት፣የእፀመናሂ፣የወርቅ በሜዳ፣ሥራቸውን ወቅጦ በሰሊጥ ዘይት አንጥሮ በአፍንጫ ማድረግ ነው ። 4. የጨጎጎት፣የወሊት፣የዳማከሴ፣ቅጠላቸውን አድርቆ ወቅጦ ሲያመው በአፍንጫው ይሳብ ። 5. የእፀዘዌ ስር፣ጭቁኝ፣አልቴት፣ከሰሊጥ ዘይት ጋር በእሳት ከአብላሉ በኋላ ሲበርድ አጥሎ በአፍንጫው ማድረግ ነው ። 6. እፀጌልጌላ፣የፈረስ ዘንግ የመሰለች ትንሽ አረም ቅጠልዋን ወቅጦ በአፍንጫው መሳብ ነው ማርና ቅቤ ዘቢብ እያፈላ ይጠጣ ። የበግ ላት በራሱ ያድርግ ። 3ኛ ከመጠን በላይ ከመብላትና ከመጠጣት ደረቅ መጠጥንም ከማብዛት ጨጓራን ከመላጥና ከማጎስቆል አልፎ የሆድ ድርቀት የጉበት መታወክ ይመጣል ። በዚህ ጊዜ ደም የተቀላቀለው ትውኪያ ወደ መጸዳጃ ክፍልም ሲሄዱ የደም መፍሰስ የራስ መክበድ ማጥወልወል የአፍ ምሬት የመሰሉ ሁሉ ይገለጡበታል ። ምንም መንስኤው የመነሻው ስሩ ከሆድ እቃ ውስጥ ከጉበት ላይ ቢነሱም በራስ ቅል ውስጥ ስለሚነዘንዙና ስለሚያሰቃዩ የራስ መርዝ ወይም የራስ መርዘን ተብሎ ይጠራል ። የራስ መርዘን ወይም መርዝ ለተባለው የራስ ህመም መድሀኒት ወይም ማስታገሻው ለጊዜው ለማስታገስ በሰናፍጭ ውኃ ልብስን ነክሮ በደረትና በራስ ላይ ማስቀመጥ የሎሚ ውኃ በወፍራም ቡና መጠጣት ነው ። #የራስ_ውጋት_መፈወስ የራስ ውጋት ተብሎ የሚጠራው የራስ ህመም ከዘር ወደዘር የሚተላለፍ በአንጎል ውስጥ የሚፈጠሩ እጢዎች ሲሆን እነዚህ እጢዎች ከደም ጋን ጋር የሚገናኙትን የማጅራት ስሮችን ስለሚወጥሩና ስለሚያዛቡ እንዲሁም ጠቅ ጠቅ የሚያደርግና የሚወጋ ህመም ስለሚሰማ የራስ ውጋት ተብሎ ይጠራል ። ለማንኛውም ይህ ህመም ለያዘው ለጊዜው ተሸፋፍኖ መተኛት ያስፈልጋል ። ልብስን ውኃ እየነከሩ በማጅራቱ ላይ ማስቀመጥ ነው ። 1. ለራስ ውጋትና ለራስ ፍህጠት እፀመናሂና ሺነት ቅርፍታቸውን ጅንጅብል ወርቅ በሜዳ ጭቁኝ ወቅጦ በአፍንጫው መሳብ ነው ። በቅቤ አንጥሮ ከመሃል ራስ ላይ ደፍድፎ ማስቀመጥና በሻሽ ሸፍኖ ማሰር ነው ። 2. የቆለቆልዳ፣የቆለቆል ፣ የቅንጭብ ፣ የበለስ ፣ የጂባራ ፣ የቁልቋል ፣ የአንተራፋ ፣ ደማቸውን ፣ የሙጨጭላ ፣ ደም ፣ ከርቤ አልቴት ነጭ ሽንኩርት ፣ ጤና አዳም ጅኝጅብል የተገኙትን ሰብስቦ መቀመምና የጎመን የብሳና የዋጊኖስ የጥቁር አዝሙድ የሰሊጥ ሁሉንም ባንድ ላይ ዘይት አውጥቶ በቅመሙ ለውሶ ሲያመው በአፍንጫው ያድርግ ። እሩብ ማንኪያ በባዶ ሆድ ይውሰድ ከዘር ወደዘር አይተላለፍም ያመክነዋል ለሁሉም ይሆናል ። #የራስ_ማዞር_ፈውስ ራስ ማዞር መጨነቅ የሆነ ድምፅ ሲሰሙ መጥላት የሚያመጣው የራስ ህመም መንስኤው ከደም ማነስና ከደም ብዛት ወይም መቅጠን መወፈር ልኩን ባለመቆጣጠር የደም ግፊት ወይም የደም መታገድ ይፈጥራል ። ምክንያቱም በአንዳንድ ምግብና መጠጥ መጠኑን በመተላለፍ የደም ስሮችን ወይም ቱቦዎችን የሚዘጉ እጢዎች ይፈጠራል ። በዚህ ጊዜ ለአካል ብልቶች አላፊ የሆነውን ራስን እንዳይቆጣጠር እነዚህ እጢዎች ያስቸግሩታል ይበጠብጡታል ። በህመሙ የተጠቃው ሰውም ማቅለሽለሽ ጉበት መታወክ ራስ መዞር መጨነቅ ሊተፋም መሞከር የተለያዩ ጠባዮች ይታዩበታል ። ስለዚህ ልብን የሚያስጨንቀውና የሚያቅለሸልሸው ህመሙ ራስ ማዞር ወይም ራስ አዙር ተብሎ ይጠራል ። አንዳንድ ጊዜም ወደጉን ስለሚያዞር ለዚህ ለራስ አዙር ወይም ራስ ማዞር ለተባለው ህመሙ መድኃኒቱን ማስታገሻውን ወይም መቀነሻውን መድኃኒት ከመውሰድ በፊት የሊጥ ማስነሻ እርሾ ያለው ወይም የበዛው ሆምጣጣ ነገር ስኳር ጨው ለብዙ ጊዜ አለመጠቀም ውኃ በብዙው መጠጣት ነው ። 1የእንስላል ፣ የሮዝመሪ ፣ የሾርባ ፣ የቡና ቅጠል ፣ የናና ፣ የቆላ ጦስኝ ፣ የሎሚ የትርንጎ ፣ ቅጠላቸውን ፣ ሰብስቦ ፣ ቀምሞ ፣ እንደሻይ ፣ ጧት ማታ እያፈሉ መጠጣት ነው