Xushnudbek.uz

Anchadan buyon aytilayotgan “Park and ride” tizimi haqida Bugungi yig‘ilishda ma’lum qilinishicha, kelasi yili poytaxtga kirishdagi 2 ta nazorat posti shahar tashqarisiga ko‘chadi, 3 tasi rekonstruksiya qilinadi. Bu yerlarda kamida 3,5 mingta yuk va 5,5 mingta yengil avtomobil uchun turargohlar hamda aholi uchun kempinglar barpo etiladi. Asosiysi, bu nuqtalarga jamoat transporti tarmog‘i bog‘lanadi. Ya’ni kimdir xohlasa, mashinasini shaharga kiraverishda qoldirib, o‘zi jamoat transportida shahar markaziga yetib olishi mumkin bo‘lishi kerak, davlat bunga sharoit yaratib berishi lozim. Albatta, bu majburiy bo‘lmaydi, shaharga mashina bilan kirishni xohlamaydiganlar uchun ixtiyoriy bo‘ladi. Bu ko‘proq yondosh hududlarda yashaydigan va har kuni poytaxtga ishga qatnaydigan yuz minglab insonlar uchun zarur. Bu reja bir necha yildan buyon aytilyapti. Biz hatto “Lolazor” podkastining ilk sonida ham shuni gaplashgan ekanmiz. Videosini ilova qilyapman. 👉 @xushnudbek 👈

Shavkat Mirziyoyev Huquqni muhofaza qilish akademiyasining yangi binosi va oʻquv-ilmiy faoliyati bilan tanishdi. Akademiyada oliy taʼlimning ikki bosqichli tizimi – bakalavriat va magistratura yoʻlga qoʻyilgan. 2023/24-oʻquv yilidan mamlakatimizda ilk marotaba “Turli tizim – yagona yondashuv” tamoyili asosida bakalavriatning “Tergov faoliyati” va “Prokurorlik faoliyati” taʼlim yoʻnalishlarida oʻquv jarayonlari tashkil etildi. Kiberjinoyatlarga qarshi kurashishga yoʻnaltirilgan “kiberprokuror” va “kibertergovchi”larni tayyorlash uchun kelgusi yildan boshlab “Kiberhuquq” bakalavriat yoʻnalishi tashkil etiladi. Magistraturada “Tergov faoliyati”, “Prokurorlik faoliyati” shuningdek, milliy taʼlim tizimida yagona boʻlgan “Korrupsiyaga qarshi kurash faoliyati”, “Inson huquqlariga oid xalqaro huquq” mutaxassisligi boʻyicha kadrlar tayyorlash yoʻlga qoʻyildi. 2025/2026-oʻquv yilidan boshlab, “Kiberxavfsizlikni huquqiy taʼminlash” mutaxassisligi boʻyicha magistrlar tayyorlanadi. 👉 @xushnudbek 👈

Uch oy ichida Toshkent shahrining 4 ta qismida sun’iy ko‘l va havzalar qurish loyihalari tayyorlanib, ishlar boshlanadi. Bu haqda ayni daqiqalarda bo’lib o’tayotgan yig’ilishda Shavkat Mirziyoyev ma’lum qildi. 1-iyungacha poytaxtdagi har bir tumanda 5 kilometrli 3 tadan soyali sayr ko‘chalari foydalanishga topshiriladi. Har 10 ta mahalla uchun 1 tadan yashil bog‘ barpo qilish bo‘yicha alohida dastur boshlanadi. 2026-yilda shaharda 18,5 kilometr kanal qirg‘oqlari mustahkamlanadi. Bu joylarda ham yashil hududlar va sayilgohlar tashkil qilishni hozirdan o‘ylash zarurligi qayd etildi. 👉 @xushnudbek 👈

Prezident farmoni bilan Sultanov Alisher Saidabbasovich O‘zbekiston Respublikasi Prezidentining energetik xavfsizlik bo‘yicha vakili lavozimidan ozod etildi. 👉 @xushnudbek 👈

⚽️ “Manchester City” rasmiy Instagram sahifasida “O’zbekiston… tayyormisiz? Ishonchli yangi hamkor yo’lga chiqmoqda” deya post qoldirdi va 19-dekabr kuniga ishora qildi. Avvalroq “Manchester City” klubiga egalik qiluvchi City Football Group O’zbekiston klublaridan birini sotib olishi va bu yerda o’z akademiyasini ochishi kutilayotgani haqida xabar berilgandi. Yuqoridagi post shunga aloqador bo’lishi mumkin. 👉 @xushnudbek 👈

Bugun Shavkat Mirziyoyev poytaxtimizning Yunusobod tumanida amalga oshirilgan bunyodkorlik ishlari bilan tanishadi hamda Toshkent shahrini ijtimoiy-iqtisodiy rivojlantirish bo‘yicha kelgusi vazifalar yuzasidan yig‘ilish o‘tkazadi. 👉 @xushnudbek 👈

G‘ulomov Abdulaziz Abdullayevich Toshkent davlat transport universiteti rektori etib tayinlandi. Bunga qadar u universitetning o‘quv ishlari bo‘yicha prorektori edi. 👉 @xushnudbek 👈

Inson taqdiri statistikadan ming karra muhimroq — Saida Mirziyoyeva Bugun Prezident Administratsiyasida ayollar va bolalar huquqlarini himoya qilishni ta’minlash, ularga nisbatan zo‘ravonlikka qarshi kurashish, erta homiladorlik sabablari va ularning oldini olish choralari kabi dolzarb masalalar mas’ul rahbarlar bilan muhokama qilingan. Bu haqda Prezident Administratsiyasi rahbari Saida Mirziyoyeva ma’lum qildi.

"Biz oilaviy zo‘ravonlikka qarshi qonun qabul qilgan Markaziy Osiyodagi birinchi davlatmiz. Bolalarga nisbatan sodir etilgan jinsiy jinoyatlar uchun javobgarlikni ham kuchaytirdik. Ammo bu bilan cheklanib qolmaslik kerak. Zo‘ravonlik holatlariga qarshi tezkor chora ko‘rishning samarali tizimini ishlab chiqish zarur. Ko‘pincha haqiqiy ahvol ko‘zga ko‘rinmaydi, ko‘p narsa yashiriladi. Biz hali ham statistikani oshkor qilishdan, ta’na-malomatga qolishdan, obro‘yimiz to‘kilishidan qo‘rqamiz, tanqidni qabul qilolmaymiz. Barcha mas’ul rahbarlarni bugungi suhbatdan tegishli xulosa chiqarishga chaqiraman. Zo‘ravonlikning har qanday ko‘rinishiga qarshi murosasiz kurash, ayollar va bolalarning huquq va manfaatlarini samarali himoya qilish quruq gapda emas, amalda namoyon bo‘lishi kerak", — dedi Saida Mirziyoyeva.

👉 @xushnudbek 👈

Umumiy sovrin jamg’armasi 5 mlrd so’mdan oshuvchi Prezident sovrini uchun Intellektual olimpiada musobaqalari boshlandi Talabalar o’rtasida har yili an’anaviy o’tkazilayotgan Intellektual olimpiada musobaqalarida 15-dekabrdan 18-dekabrgacha quyidagi 6 ta yo‘nalishda g’oliblar aniqlanadi: 1️⃣ Zakovat; 2️⃣ Breyn-ring; 3️⃣ Erudit-kvartet; 4️⃣ Shaxsiy o‘yin; 5️⃣ Shaxmat; 6️⃣ Shashka. Mazkur yo‘nalishlarda sovrinli o‘rinlarni egallagan talabalar pul mukofotlari bilan taqdirlanadi. Shuningdek, umumjamoa hisobida sovrinli o‘rinlarni egallagan oliygohlarning moddiy-texnik bazasini rivojlantirish maqsadida Prezident sovg’asi sifatida quyidagi miqdorda pul mukofotlari taqdim etiladi: 🥇1-o’rin: 2 mlrd so’m; 🥈2-o’rin: 1,5 mlrd so’m; 🥉3-o’rin: 1 mlrd so‘m. 👉 @xushnudbek 👈

O‘zbekistonda ilk 3D to‘liq metrajli multfilm taqdim etiladi 25-dekabr kuni “Sehrlandiya: qahramonlik missiyasi” nomli ilk 3D formatdagi to‘liq metrajli animatsion filmning premyerasi bo‘lib o‘tadi. Mazkur loyiha Bolalar kontentini rivojlantirish markazi tomonidan ishlab chiqilgan. Film syujeti do‘stlik, yovuzlikka qarshi birgalikda kurashish, qo‘rquvni yengish va jasorat, yaxshilik hamda yomonlik o‘rtasidagi azaliy jang singari mavzulardan iborat. Ushbu multfilm mahalliy animatsiya yo‘nalishidagi yangi tajribalar uchun asos yaratishi, bolalar kontenti sifatini oshirishga xizmat qilishi kutilmoqda. Quyidagi havola orqali oʻtib, saundtrekni sifatli formatda tomosha qiling: 📹 https://www.youtube.com/watch?v=Kzjt6YyGGps

⚽️ Toshkentda FIFA’ning Markaziy Osiyo mamlakatlari uchun mintaqaviy ofisi ochiladi Bu bo‘yicha “2027-yilgi futbol bo‘yicha U-20 Jahon chempionatiga tayyorgarlik ko‘rish va uni o‘tkazish chora-tadbirlari to‘g‘risida”gi Prezident qarorida belgilab qo’yildi. Unga ko‘ra, mintaqaviy ofis O‘zbekiston Futbol assotsiatsiyasi binosida beg‘araz asosda joylashtiriladi. Mintaqaviy ofisni tashkil etish va saqlash xarajatlari birinchi navbatda FIFA tomonidan ajratiladigan mablag‘lar, yetmagan qismi esa O‘zbekiston futbolni qo‘llab-quvvatlash jamg‘armasi mablag‘lari hisobidan, biroq umumiy xarajatlarning 50 foizidan oshmagan miqdorda qoplanadi. 👉 @xushnudbek 👈

🇺🇿🇰🇬Qirg’izistonning O’sh shahrida Alisher Navoiy haykali hamda uning nomi bilan ataladigan shohko’cha ochildi. 👉 @xushnudbek 👈

❗️Fan olimpiadalari g’oliblariga jami 13 mlrd so’m pul mukofoti topshirilmoqda Ayni daqiqalarda 2025-yilda Xalqaro fan olimpiadalari g’oliblari bo’lgan o’quvchilar va ularning ustozlarini taqdirlash marosimi bo’lib o’tmoqda. Joriy yilda bilimli yoshlarimiz jami 210 ta medal, shundan 40 ta oltin, 78 ta kumush va 92 ta bronza medalini qo’lga kiritishdi. 🔥 Eng qizig’i, joriy yilda ilk marta nufuzli xalqaro fan olimpiadasida oltin medal olgan o’quvchiga 1 mlrd so’mdan ko’proq pul mukofoti berilmoqda! Masalan, Daler Rahimov hamda Mirjahon Muhammadov 1 mlrd 39 mln so’mdan mukofot olishdi. Chempionlarni tayyorlaydigan ustozlardan Mohira Boltayeva esa 591 mln so’m mukofot pulini qo’lga kiritdi. Nufuzli 5 ta xalqaro fan olimpiadasida (IMO, IChO, IBO, IPhO, IOI) sovrindor bo’lgan o’quvchilarga quyidagi miqdorda pul mukofoti beriladi: 🥇Oltin medal uchun: 1 mlrd 30 mln so’m; 🥈Kumush medal uchun: 618 mln so’m; 🥉Bronza medali uchun: 412 mln so’m. Ularning ustozlariga esa: 🥇Oltin medal uchun: 185 mln 400 ming so’m; 🥈Kumush medal uchun: 103 mln so’m; 🥉Bronza medali uchun: 61 mln 800 ming so’m. Joriy yilda g’oliblarga jami 13 mlrd so’m mukofot puli berildi. O’tgan yili bu summa 3,5 mlrd so’m edi. 👏🏻Qoyil, barakalla! Barcha g’oliblarni chin dildan tabriklayman! Gaziga bosinglar, bilimli o’quvchilar ham milliarder bo’ladigan paytlar keldi! Alloh ilmingizni yanada ziyoda qilsin! 👉 @xushnudbek 👈

❗️AQShdagi Braun universitetida sodir bo’lgan otishmada o’zbekistonlik talaba halok bo’ldi Hodisa shanba, 13-dekabr kuni Rod-Aylend shtati Providens shahridagi universitetning muhandislik fakulteti binosida yuz bergan. Qurollangan shaxs binoga bostirib kirib, talabalarga qarata o’q uza boshlagan. Hodisa oqibatida 2 nafar talaba halok bo’lgan, ulardan biri o’zbekistonlik Muhammadaziz Umurzoqov edi. Hodisada, shuningdek, 9 nafar talaba jarohat olgan. Politsiya otishmada gumonlangan 24 yoshli Benjamin Erikson ismli yigitni qo’lga olgan. U AQSh armiyasining sobiq oddiy askari bo‘lib, merganlik tayyorgarligidan o‘tgani aytilmoqda. Hozircha u nima sababdan otishma sodir etgani ma’lum emas. O’zbekiston TIV Muhammadaziz Umurzoqovning halok bo’lgani munosabati bilan marhumning oila a’zolari va yaqinlariga hamdardlik bildirdi. 👉 @xushnudbek 👈

❗️“Elektron retsept” tizimi bosqichma-bosqich amaliyotga joriy etiladi Tibbiyot mutaxassislari va ekspertlar ishtirokidagi muhokamalar yakunida bildirilgan taklif va fikr-mulohazalarni hisobga olgan holda, amalga oshirilayotgan mexanizmlarni mustahkamlash va aniqlashtirish, “Elektron retsept” tizimini joriy etishning keyingi bosqichma-bosqich tartibini belgilash maqsadida Sog‘liqni saqlash vazirining tegishli buyrug‘i qabul qilindi. Bunda tizimli ta’sirga ega antibiotiklar, sintetik antibakterial preparatlar hamda gormonal dori vositalari uchun elektron retsept majburiy bo‘lishini nazarda tutuvchi birinchi bosqich belgilandi. Dorixonalarda retseptli dori vositalarini elektron retsept asosida berish (shu jumladan, bemorning JSHSHIRi orqali) tartibi belgilanadi, qolaversa, tizim to‘liq joriy etilgunga qadar va favqulodda vaziyatlarda istisno tariqasida qog‘oz ko‘rinishidagi retseptlarni rasmiylashtirish imkoniyati saqlab qolinadi. Byemor yoki uning vakilida elektron retsept bo‘lmagan taqdirda, dorixona farmatsevtiga shaxsni tasdiqlovchi hujjat (qog‘oz yoki elektron shaklda) asosida JSHSHIRni kiritib, tizim orqali elektron retsept bilan tanishish va retsept bo‘yicha dori vositasini berish huquqini taqdim etuvchi  mexanizm belgilanadi. 👉 @xushnudbek 👈

❗️O'zbekiston yoshlari "Dubay-2025 V para Osiyo o'yinlari"da birinchi bo'ldi BAAning Dubay shahrida bo‘lib o‘tgan V yoshlar Para Osiyo o‘yinlarida muvaffaqiyatli ishtirok etib, tarixiy natija qayd etgan O‘zbekiston sport delegatsiyasi tantanali kutib olindi. Ushbu musobaqada O‘zbekiston yosh para sportchilari 🥇99 ta oltin, 🥈57 ta kumush va 🥉41 ta bronza, jami 197 ta medalni qo‘lga kiritdi hamda 35 ta davlat orasida umumjamoa hisobida 1-o‘rinni egalladi. Oʻzbekiston delegatsiyasi sportning 🏃‍♂️ para yengil atletika, 🥋 para taekvondo, 💪 bochcha, 🏊‍♀️ para suzish, 💪 para armrestling, 🥏 para pauerlifting sport turlari boʻyicha ishtirok etdi.

ℹ️ Ma`lumot uchun: 2021-yil Bahraynda o'tkazilgan IV para Osiyo o'yinlarida sportchilarimiz 16 ta medal (11 ta oltin, 1 ta kumush, 4 ta bronza) olib, umumjamoa hisobida 6-o'rinni egallashgan edi.

👉 @xushnudbek 👈

#57 OʻTGAN SON TAHLILI, O‘ZBEKISTONNING JCHDAGI RAQIBLARI VA YO‘LLAR HAQIDA O‘YLAR. Lolazor podcast 📹 https://youtu.be/Pcnwwqvzy_E Lolazor podkastning navbatdagi sonida 3 kishi yig‘ildik. Biz bu safar Karim Bahriyev bilan suhbat va uning atrofida bo‘lgan gaplar, viloyatlarni bog‘lovchi magistral yo‘llardagi muammolar, shahardagi o‘rtacha tezlik haqida suhbatlashdik hamda poyezd va samolyot chiptalari narxlarini solishtirib ko‘rdik. Mundarija: 00:00 – Tizer 01:38 – Boshladik 04:12 – O‘tgan sonni esga olamiz 15:03 – Lolazor’dagi Karimov siymosi 23:45 – “Jaloliddin Manguberdi” poyezdlari 28:28 – Poyezd va samolyot narxlarini solishtirib ko‘ramiz 39:26 – Yo‘llar haqida o‘ylar: domkrat ishlatishni bilasizmi? 51:22 – Masofalar bir xil, vaqt boshqa 56:41 – Shahardagi o‘rtacha tezlik 1:00:19 – ChatGPT’dan foydalanish bo‘yicha kichik layfhak 1:09:48 – JChdagi guruhimiz haqida 1:29:39 – Bolalarga ijtimoiy tarmoqlarni taqiqlash 1:30:55 – Uy va mashinalarning naqd pulsiz oldi-sotdisi qanday ishlaydi? 1:35:49 – Muhrim A’zamxo‘jayevning yangi ish joyi 1:47:33 – Gazetalarning davri o‘tdimi? 1:53:10 – Kelajak o‘ylaganimizdan yaqinroq 2:01:00 – Tugatamiz, xayr 🎧Podkastni tinglash uchun: 📱 Spotify 📱 Apple Podcasts 📱 Yandex 👉 @xushnudbek 👈

Jonkuyar ustoz Orif aka Shermatovdan yana bir qiziqarli ma’lumot (#) 👉 @xushnudbek 👈

📩 SSV “Elektron retsept” tizimi bo’yicha ayrim savollarga javob berdi

❓Savol: Ayrim fuqarolar tizim “osilib” qolishi, uzoq yuklanishini aytmoqda. Chindam ham shundaymi?

✅ Javob: Hozir tizim ishchi holatda. Agar internet tezligida nosozliklar kuzatilmasa, tizimdan muntazam foydalanish imkoniyati mavjud. Texnik mutaxassislar doimiy ravishda yuklamaga qarab, serverlarni optimizatsiya qilish ishlarini olib bormoqda.

❓Savol: Agar “Elektron retsept” tizimi ishlamay qolsa, shifokor nima qiladi?

✅ Javob: Agar tizim muassasaning o‘zida (elektrdagi uzilish, tarmoqdagi uzilish) ishlamay qolsa, muqobil variant sifatida shifokorlar planshet orqali elektron retsept tayinlaydi. 

❓Savol: Texnik nosozlik kuzatilgan hollarda bemorlarning dori vositalari bilan ta’minlanishi qanday amalga oshiriladi?

✅ Javob: Bunday holatlarda bemor vaqtini tejaydigan qulay algoritm ishlab chiqilgan. Shoshilinch holatlarda shifokorlar tomonidan joyida tibbiy yordam ko‘rsatiladi (dorilar muassasa zaxirasidan beriladi). Elektron reseptlar esa asosan ambulator davolanish uchun mo‘ljallangan.

❓Savol: Retsept yozdirish maqsadida keladigan bemorlar uchun alohida tezkor yo‘lak joriy etilganmi?

✅ Javob: Alohida tezkor yo‘lak joriy etishga ehtiyoj yo‘q. Chunki surunkali kasalligi bor bemorlarga navbat asosida xizmat ko‘rsatiladi. Shoshilinch holatdagi bemorlar uchun esa birinchi tibbiy yordam ko‘rsatishga mo‘ljallangan dori vositalari barcha oilaviy poliklinikalarda mavjud.   *** ℹ️ Ma’lumot uchun: “Elektron retsept” tizimi doirasida vujudga kelayotgan murojaatlarni qabul qilish maqsadida @ssv_pilotbot bot ochilgan. Shuningdek, Sog‘liqni saqlash vazirligining 1003 qisqa raqamli "Ishonch telefoni" bazasida muntazam faoliyat yurituvchi alohida “Сall-markaz” tashkil etildi. “Elektron retsept” tizimi amaliyoti bo‘yicha yuzaga kelgan savollaringiz va murojaatlaringizga tunu kun javob olishingiz mumkin. 👉 @xushnudbek 👈

“Sayqal School” tomonidan tashkil etilayotgan “Yangi Avlod Umidlari” respublika fan olimpiadasi boshlandi! Mazkur olimpiada 1–11-sinflar uchun moʻljallangan bo‘lib, mantiq, matematika, fizika, chet tili, ona tili va adabiyot, biologiya, kimyo, tarix fanlari boʻyicha oʻtkaziladi. Olimpiadaning afzalliklari:

• Savollar oliy toifali oʻqituvchilar tomonidan tuzilgan; • Respublika–viloyat–tuman–maktab kesimidagi reytinglar; • Sun’iy intellekt asosida kuchli va zaif tomonlar tahlili; • G‘oliblarga sovg‘alar va sertifikatlar; • Ota-onalar uchun natijalarni real vaqtda kuzatish imkoniyati.

Olimpiada 13-dekabr soat 09:00 da boshlanib, 15-dekabr soat 20:00 da yakunlanadi. Har bir o‘quvchi tanlagan bitta fandan faqat bir marotaba ishtirok etishi mumkin. Natijalar 16-dekabr kuni @sayqalschool kanalida e’lon qilinadi. “Sayqal School” dasturini yuklab olish: • Android • iPhone Reklama